من سلسلة تانية رح ابداها على قناتي باليوتيوب رح يكون تلبية لطلباتكم تحت اسم "انتو طلبتوا"وبما انه الصيف بلش ولسة في ناس كتير تحت الحجر الصحي فاحد الطلبات كان كيف نعمل فرابيتشينو بالبيت... كمان ولاني بحب شغل البيت الانظف والاوفر جدا رح اكتبلكم الكلفة التقريبية لكل مشروب عملته (حسب اسعار الاردن)
الفرابتشينو اله مبادئ معينة بشكل عام او ممكن نقول قاعدة عامة للوصفة ممكن انك تاخديها و
- تشكلي وتنوعي اد ما بدك بالنكهات
- تتحكمي بالدسم
- تتحكمي بالسكر
- واكيد بشكل التقديم
القاعدة العامة هي
كوب ثلج (حوالي 10 مكعبات)ورح تشوفوا بالفيديو اني مرات استخدمت قهوة سائلة مجمدة بصينية مكعبات الثلج كطريقة لاضافة القهوة بدون ما يصير الطعم خفيف
كوب حليب (وهاد ممكن يكون حليب بقر كامل الدسم او خفيف الدسم او خالي الدسم وممكن يكون نباتي مثل الصويا او اللوز او الارز او جوز الهند او الشوفان)
½ - 1 ملعقة صغيرة فانيلا (وممكن تكون نكهة تانية زي اللوز او نكهات الفراولة او البندق او المانجا او جوز الهند ) حسب نوع الفاربتشينو
ملعقة طعام او اقل او بدون سكر بودرةوممكن محلي بديل السكر وممكن عسل وممكن الاستغناء عنه تماما
عنصر النكهة الاساسي مثل
- كوب من الفواكة (وانا استخدمت مجمدة لتعطي قوام اسمك وبالفيديوعملت الفراولة بس ممكن تحطوا بلوبري، رازبري، مانجا، اناناس)
- ¼ -1/3 كوب صوص مثل الشوكولاتة او الفراولة او الكراميل (حسب نوع المشروب لانه في انواع ما استخدمنا فيها صوص
- في حالة الماتشا استخدمت ½ 1 ملعقة طعام بودرة منها
- في حالة الاوريو وممكن اي بسكوت تاني زي الويفر او بسكوت فانيلا (استخدمت 5 حبات)
- - في حالة الكيك استخدت كب كيك او قطعة كيك تعادلها وكمان فارسميلا ملونة حوالي ½ 1 ملعقة طعام
اختياري
- ملعقة طعام بودرة درين ويب بتنحط بنفس الفرابتشينو
- كريما للوجة
- صوص للتزيين حسب النوع
ومن اهم الاشياء اللي رح تحتاجوها هو
- خلاط جيد لانه صعب نوصل للقوام بدونة ليضرب الثلج
- انه المكونات تكون باردة
خلينا نستعرض الفيديو سوا وبتمنى تجربوه ويعجبكم
فرابتشينو الفراولة (التكلفة بين 60-75 قرش)
المقادير:
- كوب فراولة مجمدة (وممكن طازجة وتجمدوها)
- كوب ثلج او 10 مكعبات وسط
- كوب حليب بارد
- ملعقة صغيرة فانيلا
- ملعقة طعام دريم ويب
- ملعقة طعام سكر بودرة
للوجة
كريما خفق
صوص فراولة (استخدمت الجاهز)
الطريقة:
تخلط كل المكونات بالخلاط
تسكب بالكاس
تزين حسب الرغبة وتقدم فورا
فرابتشينو الموكا (التكلفة بين 55-65 قرش)
المقادير:
- كوب قهوة مثلجة او 10 مكعبات وسط (انا خلطت حوالي 7 قهوة وبالباقي ثلج)
- كوب حليب بارد
- ملعقة صغيرة فانيلا
- ملعقة طعام دريم ويب
- ملعقة طعام سكر بودرة
- ¼ كوب صوص شوكولاتة انا استخدمت الجاهزة
للوجة
كريما خفق
صوص شوكولاتة
الطريقة:
تخلط كل المكونات بالخلاط
تسكب بالكاس
تزين حسب الرغبة وتقدم فورا
ملاحظة (ممكن الاستغناء عن الشوكولاتة بيصير فرابتشينو قهوة)
فرابتسينو الكراميل (التكلفة بين 60-75 قرش)
المقادير:
- كوب ثلج او 10 مكعبات وسط (انا خلطت 5 قهوة وبالباقي ثلج)
- كوب حليب بارد
- ملعقة صغيرة فانيلا
- ملعقة طعام دريم ويب
- ملعقة طعام سكر بودرة
- ¼ كوب صوص كراميل انا استخدمت الجاهزة
للوجة
كريما خفق
صوص كراميل
الطريقة:
تخلط كل المكونات بالخلاط
تسكب بالكاس
تزين حسب الرغبة وتقدم فورا
فرابتشينو الماتشا (التكلفة حوالي دينار او 1.2 لانه الماتشا غالية شوي)
المقادير:
- كوب ثلج او 10 مكعبات وسط
- كوب حليب بارد
- ملعقة صغيرة فانيلا
- ملعقة طعام دريم ويب
- ملعقة طعام سكر بودرة
- ½ 1 ملعقة طعام بودرة الماتشا (الشاي الياباني الاخضر)
للوجة
كريما خفق
رشة ماتشا
الطريقة:
تخلط كل المكونات بالخلاط
تسكب بالكاس
تزين حسب الرغبة وتقدم فورا
فرابتسينو الاوريو (التكلفة بين 45-55 قرش)
المقادير:
- كوب ثلج او 10 مكعبات وسط
- كوب حليب بارد
- ملعقة صغيرة فانيلا
- ملعقة طعام دريم ويب
- ملعقة طعام سكر بودرة
- 5 حبات بسكوت اوريو
للوجة
كريما خفق
بسكوت اوريو
الطريقة:
تخلط كل المكونات بالخلاط
تسكب بالكاس
تزين حسب الرغبة وتقدم فورا
فرابتشينو كيك عيد الميلاد (التكلفة حوالي 45 قرش)
المقادير:
- كوب ثلج او 10 مكعبات وسط
- كوب حليب بارد
- ملعقة صغيرة فانيلا
- ملعقة طعام دريم ويب
- ملعقة طعام سكر بودرة
- حبة كب كيك فانيلا
- ½ 1 ملعقة طعام زينة الكيك الملونة (فارسميلا)
للوجة
كريما خفق
زينة الكيك الملونة (فارسميلا)
الطريقة:
تخلط كل المكونات بالخلاط ما عدا زينة الكيك الملونة حيث تضاف بعد الخلط باليد وتحرك بالملعقة
تسكب بالكاس
تزين حسب الرغبة وتقدم فورا
