الي من فترة بدي اعمل فيديو اصنعي بالبيت والوقت مش سامحلي بس واخيرا مشي الحال واليوم رح اشارككم وصفتين واحدة منهم موجودة من زمان على المدونة بس عملتها فيديو والثانية جديدة بس قبل ما ابدا بوصفات اليوم خليني احكيلكم اديش مبسوطة بالشغل اللي عملته مؤخرا على غرفة المونة واللي لقى صدى حلو كتير عندكم..بشكركم من كل قلبي واللي حابة تشوف الفيديو ممكن تشوفوه على الرابط هون
كل التفاصيل موجودة بالفيديو على اليوتيوب واللي حطيت الرابط تبعه فوق
ونرجع لوصفات اليوم
خبز التوست الرائع
لتفاصيل الوصفة بالفيديو
وعملت كمان خلطة روعة ومشهورة حاليا واسمها Everything Bagel وبتنباع شوي منها بالسوبرماركت مش اقل من دينارين العلبة وممكن بكل سهولة تعملوها بالبيت وهي عبارة عن ملعقة طعام من كل من
سمسم ني
سمسم اسود (مش حبة البركة)
ثوم مجفف قطع صغيرة مش بودرة
بصل مجفف قطع صغيرة مش بودرة
ملح هملايا
بذور خشخاش
وكله مع بعض بمرتبان
وبحب احتفظ فيه بالثلاجة
ولانه عندي توست فريش فهاي الساندويشة اللي هلا موضة بكتير محلات وهي عبارة عن افوكادو ممكن شرحات وممكن مهروس مع ليمون ورشة من هاي الخلطة الروعة....رح تدعولي
